Transcription
1
Reçue à Grenoble
2
Monsieur Grangier de Paris du VIme mars 1573
3
Pource que la Court n’est pas icy, je ne vous puys dire au vray l’occasion du
4
voyage de ce pourteur mais je doubte que c’est pour faire marcher les
5
Suysses, estant bruict que les Rochelloys ne se veulent rendre que
6
par le bon bout et qu’il y eust hyer huict jours une escarmouche
7
à l’assiète de l’artillerie où il est demeuré que mortz que blessés
8
de cinq à six centz hommes que de part que d’aultre. Ceux de
9
Sancerre demeurent en semblable obstination qui n’est pas la
10
guerison de nos misères. Madame Bellièvre, son filz et sa fille
11
se portent fort bien qui est tout ce que je vous puys dire.
12
13
[autographe de M. de Gordes] :
14
Jamays cest escrivein ne manda bonnes nouvelles le temps
15
m’en aprendra son honneur